Atzo goizean oso goiz esnatu ziren institutura joateko. Egunari hasiera emateko gaztelera ikasten ari diren ikasle batzuekin ekintza bat egin zuten gure ikasleen alemana lantzeko. Gero Ritter Sport txokolate frabrikara joan ziren eta izugarri gustatu zitzaien. Txokolatearen inguruan gauza asko azaldu zizkieten eta horren ostean haien txokolatea egin zuten, osagaiak aukeratuz. Programarekin amaitzeko Stuttgartera trenez abiatu ziren eta hiria pixka bat ezagutu zuten kide alemaniarrak beraien bila etorri ziren arte.
