Orientabidea

Askotariko ikasgaien aukerakotasunari buruzko eta etorkizuneko ikasketen eta/edo lan-irteeren aldetik dauden aukerei buruzko informazio eguneratua eta xehea, orokorra eta banan-banakoa emateari esaten diogu orientabidea. Informazio-zerbitzu hori DBHko bigarren zikloko eta Batxilergoko ikasleei, Ikastetxea utzi behar duten DBHko 2. mailakoei (salbuespenezko kasuetan) eta gurasoei eskaintzen zaie. Aholku emango zaie hartzen dituzten erabakiek beren gaitasunekin, jarrerekin eta interes profesionalekin bat egin dezaten, etorkizunean arrakasta izango dutela bermatzeko.

Hauek dira Orientabidearen ezaugarri nagusiak:

  • Aholku ematen da ikasketa batzuei edo lanbide bati buruzko erabakiak hartzeko, haietan eragina duten elementu guztiak aintzat hartuta. 
  • Kontua ez da unean uneko zalantzak edo arazoak konpontzea, baizik eta pertsonei laguntza ematea beren aukeraketa-irizpideen aldetik independenteak eta kritikoak izateko, erabakiak hartzeko eta trantsizio-aldietarako beharrezko tresnak emango dizkien etorkizunerako proiektu bat beren kasa egiteko.
  • Orientazio-prozesua iraganarekin eta, bereziki, etorkizunarekin lotutako jarduera da.
  • Beharrezkoa da errealistak izatea, norbere buruari iruzur ez egitea eta, aurreikuspenek huts egingo balute ere edo itxaropenak eta nahiak beteko ez balira ere, ordezko aukera argiak izatea. 

Deskargatu Orienta 2016-2017 programa

orienta1415Aurreko ikasturteetan bezala Ikastetxeko Orientabide Departamentuak “Orienta 2016-2017” programa jartzen du zuen eskura. Gerora zer ikasi hobeto aukeratzeko lagungarria izan dakizueke.

Ikasturte honetan Windows-erako bertsioa soilik eskaintzen dugu

Descargatu Orienta 2016-2017 programa

Programa jaisten duzunean "programa_orienta_16-17.zip" izeneko fitxategi konprimatua aurkituko duzu.

Deskonprimatu artxibo hori zure ordenagailuan eta sartu eratuko zaizun "programa_orienta_16-17" karpetan.

Karpeta horren barruan "orienta 16_17" izeneko karpeta bat eta hiru fitxategi azalduko zaizkizu:

"ayuda.pdf". Programa zure ordenagailuan nola exekutatu eta/edo instalatu azaltzen du.
"OrientaWindows16_17.exe". Programa zuzenean, ordenagailuan instalatu gabe, exekutatzeko.

"ConfiguraOrienta.exe". Programa zure ordenagailuan behin betiko instalatzeko.
Dakizunez, mugikorretarako bertsio bat ere eskaintzen da, URL hau mugikorreko web nabigatzailean idatzita ikus daitekeena: http://www.orientaline.es/?yafxb=96804

Hala ere, zalantzak baldin badituzu, jo zure orientatzailearengana.

Orrialde honetan bisitarien estatistikak gordetzen ditugu. Nabigatzen jarraitzen baduzu onartzen dituzula esan nahi du Informazio gehiago

Itxi