Eskola-jantokia

Jantokia hezkuntza-eremua da. Bertan, janari osasungarria eta orekatua eskaintzen da, egunero gure instalazio modernoetan “in situ” egina. Etxeko sukaldaritzaren sistema tradizionala erabiltzen da nutrizionistek ikuskatutako menuak egiteko, erabiltzaileen beharretara egokituak.

Cocina Centra Magui-k laguntzen digu menuak prestatzen, eta prozesu guztia ikuskatzen du aldian behin, egiten den janariaren kalitatea eta segurtasuna bermatzeko.

Disport Eki-ko langileek artatzen dituzte erabiltzaileak. Begiraleak ezinbestekoak dira jantokiak ongi funtziona dezan. Ikastetxearekin koordinatuta lan egiten dute, taldearen eta ikastetxearen irizpide-batasuna bermatzeko, helburu hauek betetze aldera:

  • Bizi ohitura osasungarriak sustatzea.
  • Garapen integrala eta autonomia pertsonala indartzea.
  • Elikagaiekiko jarrera egokiak eta mahaian jarrera gizartekoiak sustatzea.
  • Aisialdian ondo pasatzea, denbora librea aprobetxatuta eta gizarte-harremanak sustatuta.
  • Norbere trebetasunak garatzea, hauekiko begirunea sustatuta: ikaskideekikoa, begiraleekikoa, inguruarekikoa, materialarekikoa, ikastetxearekikoa…
  • Ingurumenaren kontserbazioan haurrak inplikatzea, gaikako bilketa, birziklapena eta ingurunearekiko begirunea sustatuta.

Gure jantoki-zerbitzua ikasle guztiek erabil dezakete, 2 urte dituztenetik Batxilergora arte, edozein egunetan: lana eta familia bateratzea errazten du horrek. 

Zerbitzua bi txandatan ematen da:

  • 1. txanda - 13:00etan – 3 urtekoen Haur Hezkuntzatik Lehen Hezkuntzako 3. mailara arte (2 urteko Haur Hezkuntzako erabiltzaileek jantoki espezifikoa daukate)
  • 2. txanda - 14:00etan – Lehen Hezkuntzako 4. mailatik Batxilergora arte

Jantokiko erabiltzaileen kuotak aldakorrak dira, zerbitzua erabiltzen den maiztasunaren arabera. Informazio gehiago

Altak eta bajak komunikatzea

Hobe posta elektronikoz, comedor@colegiosanprudencio.net helbidera idatzita edo telefonoz, 945171957 zenbakira deituta

Jakinarazpenak aurreko laneguneko 13:00k arte (ikastetxeko egutegiaren arabera) artuko dira.

Salbuespenez, edozein ezusteko edo aldaketa frogagarriak: beti egun bereko 09:30k baino lehen.

Oinarrizko arauak

  • Ezin da ikastetxearen barrutitik irten jantoki-orduetan. Atera behar izanez gero, gurasoek edo tutoreak sinatutako baimena eskatuko da.
  • Jantoki-orduetan ikasgelak itxita egongo dira, beraz, ikasleek janlekura abiatu aurretik hartu beharko dute behar duten guztia.
  • Jantokira era ordenatuan eta isilean sartuko dira.
  • Higiene pertsonala zaindu eta eskuak eta hortzak garbitu behar dira. (Oharra: Haur Hezkuntzako eta Lehen Hezkuntzako 1. mailako ohiko erabiltzaileei hortzetako eskuila eta pasta emango zaizkie, gainerakoek beren nezeserra ekarri beharko dute, eta komeni da hura hiruhileko bakoitzaren amaieran berrikustea eta/edo aldatzea). Begiraleek higiene pertsonala gainbegiratzen dute.

 

Familientzako informazioa

  • Hiruhileko bakoitzaren hasieran ohiko erabiltzaileei hiruhilekoko menua ematen zaie. Eskuragarri dago web orrian eta haren kopiak dituzte atezaindegian.
  • Informazio aipagarriren bat balego, familiari egunean bertan emango zaio haren berri, telefonoz edo ohar baten bidez.
  • Ohiko erabiltzaileen gurasoek eta tutoreek elikadura-ohiturei eta jarrerei buruzko txostena jasoko dute aldian behin (egunero, Haur Hezkuntzako ohiko erabiltzaileek; hilero, gainerako erabiltzaileek).

 

Erabiltzen diren tokiak

Astero, begirale-taldeak adin bakoitzari egokitutako jarduera-programa berrikusten du. Toki hauek ditugu jardueretarako:

Bikoizketa-gelak tailerrak / etxerako lanak – Lehen Hezkuntza
Plastika/erlijio-gela etxerako lanak / bideoa  - Lehen Hezkuntza
Jolastokia / Hobia jolas libreak eta zuzenduak   - Lehen Hezkuntza
Kiroldegia jolas libreak eta zuzenduak (eguraldi txarra badago) 
Psikomotrizitate-gela erlaxazioa/ Haur Hezkuntzako 1. maila
Haurren ikasgelak jarduerak/ Haur Hezkuntzako tailerrak
Tatami-gela jarduerak – Lehen Hezkuntzako 1. maila
Haurrentzako ludoteka jolasak – Lehen Hezkuntza
Haurren jolastokia Haur Hezkuntzako 1., 2. eta 3. mailak

      

Beste informazio interesgarri batzuk

Jantokiko batzordea


Jantoki Prozesuko Taldeak eta erabiltzaileen gurasoek eratzen dute (ikasturte hasierako Informazio Bilera).

Aldika biltzen da eta aktetan biltzen dira bertan hitz egindako kontuak. comision@colegiosanprudencio.net helbidera idatzita ikus daitezke akta horiek. 

Zerbitzuaren koordinatzailea


Silvia (945171957). Jantoki-zerbitzuarekin lotutako kontsultak egiteko.
Astelehenetik ostiralera, ordutegi honetan: 08:30etik 15:30era.

Begiraleen koordinatzailea


Asier (686055171). Astelehenetik ostiralera ordutegi honetan: 14:00etatik 15:00etara.

 

EKAINEko menua

 

EKAINEko menua - ZELIAKOAK

 

EKAINEko menua  - HIPOKALORIKOA / KOLESTEROLA

 

EKAINEko menua -  ARRAUTZIK GABEKOA

 

 

 

Orrialde honetan bisitarien estatistikak gordetzen ditugu. Nabigatzen jarraitzen baduzu onartzen dituzula esan nahi du Informazio gehiago

Itxi