JANARI BILKETA

Azaroa 18, 2019
Albisteak
Sare sozialak

Educación en valores

Aurten ere, ikastetxeak Arabako Elikagaien Bankuaren aldeko azaroaren 22an eta 23an supermerkatu ezberdinetan egingo den Janari Bilketa Nagusiarekin bat egiten du. Kanpaina honen helburua egoera ekonomiko larria pairatzen duten familiei laguntzea da.

Kanpaina honetan zuen parte hartzea errazteko, eskolan janari iraunkorren bilketa solidarioa egingo dugu azaroaren 18tik 25era.

Sarrera nagusian (idazkaritzako korridorean) aurkituko dituzuen kutxetan ekarritako gauzak utzi ditzakezue.

Arabako Elikagaien Bankuan gehien behar dituzten produktuak ondorengoak dira: kakao hautsak, kontserbak, lekaleak, pasta, zerealak, gailetak, higiene pertsonaleko produktuak, haurrentzako janariak eta pixoihalak…

Tamalez, gure laguntza behar dutenak asko dira. Iaz, 255 elikagai kilo biltzea lortu genuen, solidaritate errekor itzela! Ea oraingo kanpaina honetan guztion elkartasunarekin berdin edota gehiago batzea lortzen dugun!