Gaur goizean eskolatik 10etan atera gara, gure senideei agur esan ostean. Loiura heldu gara eta han Loiu-ko langileek "Lau Teilatu" abestia elkarrekin kantatzera gonbidatu gaituzte… zelako momentu polita izan den! Gure lagun alemaniarrak ikusteko irrikitan geunden, horregatik pixka bat urduri sentitu gara. Zein izan den gure poza Stuttgarteko aireportura ailegatzean hauek eta haien familiak ezagutu ditugunean! Alexek, Plochingeneko irakasle batek, ongietorria eman digu eta gero bakoitza bere familiarekin batera deskantsatzera joan gara, bihar egun itzela izango dugulako.
