San Prudencio Ikastetxea

San Prudencio Ikastetxea irakaskuntza-kooperatiba bat da, irabazi asmorik gabekoa. Familiak eta langileak biltzen ditu, ikastetxearen kudeaketan parte hartzen dutenak.

Haur Hezkuntzatik (2 urtetik aurrera) Batxilergora arteko eskola-etapak hartzen ditu ikastetxearen hezkuntza-eskaintzak. Irakasle kualifikatuak ditu, etengabe prestatzen ari direnak.

San Prudencio itunpeko ikastetxe laikoa da. Bere jarduera nagusia Gasteizko haurrak eta gazteak heztea eta prestatzea da, aldi berean, lankidetza-balioak sustatuta eta gizartearen eskaerei etengabe erantzunda.

Helburu du pertsona kritikoak, begirunetsuak eta solidarioak lortzea, pentsamendu-askatasuna, lan- eta ekimen-gaitasuna eta jarrera arduratsua izango dituztenak, autonomoak eta bai derrigorrezko etapen ondorengo hezkuntza-sisteman bai gizartean egoki integratzeko gaitasuna izango dutenak.

Aniztasunari arreta ematea da San Prudencioren funtsezko helburuetako bat, bai eta, bereziki, haren ikasleen berariazko hezkuntza-beharrei arreta ematea ere. Azken hori ez da hezkuntza-planteamendu hutsa, ikastetxeak gizartearekin duen konpromisoaren ondorioa baizik. Konpromiso horren osagarriak dira pertsonekin, kalitatezko enpleguarekin eta ingurumenarekin dituen konpromisoak.

San Prudentzio Ikastetxeak Gasteizko erreferentziazko ikastetxea izan nahi du, izan ere, giza kalitate handiko irakasleak eta ikasleak eta hezkuntza-eskaintza integrala ditu. Horrez gain, ardura bereziz ahalegintzen gara eskola-porrota minimoa izan dadin eta bere ikasle guztien inklusioa lortzen. Ikastetxearen lehentasunen arteko hauek nabarmendu behar dira: eleaniztasuna, irakaskuntza- eta ikasketa-prozesuei aplikatzen zaizkien teknologia berrien eta metodologia berritzaileen garapena, bai eta ingurumen iraunkortasuna ere.

Halaber, Ikastetxea bereziki ahalegintzen da kide dituen pertsonak integratzen eta haien beharrak asetzen, haien artean berrikuntza eta sormena sustatuta, bai kooperatibaren bidez bai faktore pertsonalen bidez.

Gaur egun, 1218 ikasle, 100 langile baino gehiago eta 800 familiatik gora ditu ikastetxeak. Haur-hezkuntzako 12 talde, lehen hezkuntzako 19, bigarren hezkuntzako 12 eta batxilergoko 4 dauzka, gehi hezkuntza-behar espezifikoetarako 5 ikasgela. 

Orrialde honetan bisitarien estatistikak gordetzen ditugu. Nabigatzen jarraitzen baduzu onartzen dituzula esan nahi du Informazio gehiago

Itxi